創作者高橋陽一喜出望外
為咗支持女足爭取奧運金牌，高橋陽一創作咗足球美少女阿楓，日本球后澤穗希正正係呢個角色嘅原型，當然唔係講緊阿楓嘅十頭身比例同美少女樣貌啦。楓妹同「希姐」一樣咁有足球天分，同樣肩負振興日本女足嘅神聖使命。
日本女足上年殺入世盃決賽周，高橋陽一帶晒戴志偉同阿楓去德國撐場，同時為一眾女將打氣，結果球隊真係成功取得冠軍，高橋陽一表示：「當初創作阿楓本來係為倫敦奧運打氣，冇諗過日本會喺世盃奪冠，真係冇得頂啊！」
女版戴志偉也好，阿楓亦好，點稱呼澤穗希都冇所謂，佢已經係殿堂級女子球星，今次出戰奧運矢志續寫傳奇故事，大家拭目以待啦！