効力一級方程式車隊麥拿侖嘅英國車手咸美頓出名風流，佢就趁女友Nicole Scherzinger唔喺身邊，一次過叫咗十名靚女一齊去酒店開派對。除靚女之外，咸美頓更重金禮聘美國著名饒舌歌手J Cole搞㷫個場，喺歷時八個鐘嘅派對裏面，又煙又酒又女人，咸美頓可謂投入忘我境界，期間更以香檳四圍淋，情況好似贏車開香檳一樣！
據知情人士透露，咸美頓當晚玩到癲晒，仲咀向一名叫莎柏嘅女士。咸美頓就話冇做過對唔住女友嘅事，同莎柏「錫錫」只係當佢係妹妹，唔係傳媒所講嘅情侶關係。雖然咸仔自己話冇做錯嘢，但女友Nicole Scherzinger信唔信就係另一回事。
查實佢兩個各有各忙聚少離多，離離合合都唔知幾多次，加上咸仔爛玩未定性，根本畀唔到Nicole Scherzinger安全感。睇落呢pair都係玩唔耐，再度甩拖只係遲早嘅事。
本報綜合報道