【本報綜合報道】繼杜奧巴之後，車路士再有歐聯奪標功臣離隊，會方宣布右後衞保辛華及前鋒沙洛文卡勞約滿，以自由身身份走人。兩人前途有天壤之別，保辛華獲多間大球會垂青，反觀沙洛文卡勞似乎好難留喺歐洲落班，可能轉戰美職。
保辛華及沙洛文卡勞都喺今屆歐聯決賽正選上陣，但始終得唔到車仔續約，29歲嘅保辛華仍然係搶手貨，祖雲達斯及拜仁慕尼黑都有意收留佢。不過，26歲嘅沙洛文卡勞就冇咁好彩，因為佢多數擔任後備，難以再喺大球會立足，甚至有可能要離開歐洲，到次一級嘅美職發展。
另外，有傳車仔想用2,500萬鎊（約3億港元）買費倫天拿嘅黑山前鋒祖維迪，以補充兵源。