柏堤亞誓破「杜克魔咒」

想超越偶像格蘭希爾

對於「杜克魔咒」，柏堤亞「死唔信邪」：「大把人都未攞過總冠軍，唔通因為我揸住杜克畢業證書，就意味我過去10年嘅NBA生涯係白費咩？」柏堤亞當年之所以入讀杜克，皆因自細就視格蘭希爾為偶像，該名太陽老將曾兩奪NCAA錦標，但就從未奪得NBA總冠軍。

現役球員當中僅得咸美頓、泰利及哥利比華曾成就NCAA、NBA雙料冠軍，柏堤亞當然想步上述三人後塵：「如果能夠做一啲格蘭希爾都做唔到嘅事，對我嚟講係一種成就！」

NBA總冠軍Game3今早開戰，賽前熱火前鋒保殊所到壞消息，其前女友艾莉森因擔心恐襲，拒讓保殊攜同兩人的3歲女兒於今夏前往倫敦觀看夢幻隊比賽。

（now 635周一早上8時直播）