樂道決心拚到底
沙田及西貢區勁旅樂道中學今次已是第3次出戰Panasonic學界籃球邀請賽，前年更試過小組出線，至今亦為人津津「樂道」！不過球隊於分組賽抽下籤，要硬撼全港學界精英賽冠軍喇沙書院，出線或有一定困難，球隊上下就望放開懷抱打出水準，試圖重溫當年的出線夢！
樂道連續第3年出戰這項籃壇盛事，更於2010年成功力壓當時的衞冕冠軍中華基督教會譚李麗芬紀念中學出線，當年有份落場的隊員大部分至今仍在陣中，故經驗上絕對不輸蝕。球隊去年小組賽不敵喇沙出局，今年兩軍再次冤家路窄，教練馮達強表示會盡力而為：「對方是全港冠軍，實力強勁，希望20分鐘比賽可以盡力與他們周旋。」
誓報精英賽僅敗仇
同組尚有元朗區校際賽A Grade冠軍賽馬會藝智書院，樂道曾於今屆精英賽加時輸給對手，隊長陳偉堅寄望今次可以成功報仇：「藝智是一個好對手，當時精英賽我們僅以1分輸波，球隊會加緊訓練，期望可以戰勝他們。」
送Lebron 9 Low戰靴
為益同學仔與廣大籃球迷，三日賽事均免費派飛入場，但座位有限先到先得。而壓軸賽日更加設球迷射籃遊戲環節，由NIKE送出價值$1,099的Lebron 9 Low新款戰靴兩對，以及多件潮tee予得獎朋友，快啲Mark低日子到時捧場啦！