靚仔助教「氹女必勝學」
港女欖個個睇得又打得，背後原來有靚仔助教幫手！前香港七欖代表袁健濠（Andy）自○六年退役後，兩年前開始轉換角色執教女隊，曾一度助港a隊歷史性取得廣州亞運第四名。該位兼職模特兒的助教認為教女仔打波最重要「又冧又氹」，軟硬兼施，成為女隊近年實力大增的秘密武器之一。
軟硬兼施事半功倍
六呎二吋高的袁健濠，曾為香港欖球代表之一，轉營教練後，Andy短短數年為女隊打造最強陣容，他笑稱要從効力男隊轉換到執教女隊，起初難以習慣：「教女仔與男仔當然很不同，最明顯是女仔不能鬧，有時她們做得不對，要用較溫和的語氣去告訴她們，會事半功倍。」
對兼職模特兒的Andy來說，拍攝的平面廣告多不勝數，本身更有一堆忠心粉絲，為他在facebook開設fans專頁，擁貌似周杰倫的樣子及健碩身形的他，笑稱「靚仔教冇着數」：「當然冇着數，我認為球隊目前擁有很好的默契，班底合作了近兩年，要於今屆七欖突圍而出絕對有機會！」Andy表示港女欖除希望於今屆在大球場達陣外，長遠目標更希望爭取世界盃入場券，再創歷史。