J.Lin現今貴為天王，想埋身有一定難度，昨日一大清早，小記甫踏出酒店門外，便看見兩位球迷捧着大棟林書豪海報及雜誌搖頭嘆息，原來兩人剛與J.Lin擦身而過，呆等整個早上始終未能索取簽名，其中一人怒氣沖沖表示：「林書豪掂行掂過，當我冇到，其實佢唔係大家講到咁Nice！」
追「瘋」迷冇癮，小記亦就快因為「林瘋」冇錢，赴美短短三天已收到同事一批又一批「柯打」，在能力及財力許可下，小弟定必盡全力為大家搜羅J.Lin商品及Tee恤，各位「瘋迷」睇相止止癮吧！