福建潯興以常規賽第八名躋身季後賽，首圈將迎戰力爭「五連霸」嘅廣東隊。喺五場三勝制下，福建今晚有主場之利，阿庭就希望可以再創奇迹：「對手有朱芳雨、陳江華、王仕鵬等國寶級人馬，又有八年內七奪總冠軍經驗，實在難打！不過，今季我哋主場贏過佢哋，希望可以試多次啦！無論如何，自己能夠打CBA季後賽已經係件光榮嘅事，嚟到呢刻已經好滿足，但當然想再進一步啦！」
（廣東體育頻道今晚7時30分直播）
阿庭更透露，如果福建喺首圈出局，自己就可以喺三月初返香港，到時撞正南華銀牌賽開鑼戰，或者可以趕得切上陣o架！