Who is Jeremy Lin？等我哋話畀高比仔知！林書豪父母係第1代移居美國嘅台灣人，Jeremy喺加州洛杉磯出世，之後入讀著名學府哈佛大學攻讀經濟。但佢曾經講過，如果唔打籃球嘅話就會去做牧師，因為佢同美籍華裔網球球星張德培一樣，都係一個虔誠基督徒。
林書豪早在高中時代已顯露籃球天分，當時為巴洛阿圖中學（Palo Alto）贏取州際冠軍。其籃球成長路一直受到家鄉球隊勇士薰陶，兒時房間掛住史比威（Latrell Sprewell）海報，還有「新秀狀元」祖史密夫（Joe Smith）嘅球衣，另外佢亦同廣大球迷一樣，都視「波神」米高佐敦為偶像。
林書豪又透露，自從姚明早前親自致電邀請佢出席台灣慈善賽後，二人就成咗好朋友，Jeremy更表示在比賽賽後會同姚明通電話，兩人可謂私交甚篤，睇嚟林書豪今次爆發，「小巨人」都有啲功勞。