2019年2月19日，34歲嘅「甜瓜」安東尼執緊行李，因為佢已經畀紐約人換到季前成立、戰績為2勝28負嘅「拉斯維加斯他媽的哥池隊」，準備挑戰NBA史上最差戰績（9勝73負）。
安東尼閂門嗰陣，回想起8年前，當紐約人用4年5,800萬美元簽入中鋒贊特拿劍指總冠軍，點知頭21場波輸足13場，睇到粉絲Ｏ晒嘴。
教練要安東尼學「大鳥」布特咁做策劃前鋒，冇錯助攻係去到職業新高嘅4.4次，但佢忘記安東尼賣點係全方位無死角射手，如果冇好控衞餵波，佢同A米根本發揮唔到，一個亂射中距離，一個剷入籃底被封，難怪兩人命中率得番40.4%同42.9%。紐約人得分由106.5分跌至93.7分，每場淨勝分係負1.9分，贏唔到波都好正常。
要解決呢個問題，拿殊加盟係唯一方法，因為佢可以釋放A米嘅爆炸力同擴闊安東尼嘅攻擊範圍，可惜管理層唔做嘢，結果紐約人連續8年入唔到季後賽。2019年，紐約人簽入全能小前鋒Kobe James，呢個新仔成日大三元，令安東尼被投閒置散。「頂！原來係發夢！」喺飛機紮醒嘅安東尼即刻拍醒A米問：「拿殊電話幾多號？」
台灣《美國職籃》專欄作家邱益忠，自初中起不自禁地戀上NBA，對每支球隊有着獨特見解，以風趣幽默形式同你論盡NBA！