湖人摘金粉絲唔收貨 高比被批獨食
【本報綜合報道】昨日另一場大戰金塊主場對湖人，金塊由於有兩名主將加連拿利及莫斯哥夫先後因傷退下火線，最終主場以89比93不敵湖人，湖人雖然贏波，但表現欠說服力，高比拜仁不斷浪射，更引來外界大肆批評！
將會連打6場作客嘅湖人，首仗作客狀態大勇嘅金塊，兩隊上半場互有領先，湖人中鋒拜林表現出色，取得15分同4籃板，但到下半場高比拜仁求勝心切，吓吓自己起手，但浪射居多，全場23投僅7中，內線嘅拜林冇晒供應，完全無用武之地，好多球迷都睇唔過眼，喺網上鬧佢獨食。
反觀金塊雖然冇咗射手加連拿利同埋內線嘅莫斯哥夫，但卻打出悅目嘅整體戰，贏唔到波只係差少少運氣。