高比仔同雲妮莎雖然仍未正式離婚，但兩人早前已就分家產傾掂數，高比要分7,500萬美元（約5.8億港元）財產畀雲妮莎，包括3棟豪宅。眼見兩人覆水難收，VH1立即重金利誘雲妮莎上節目爆大鑊。據悉VH1除想揭露兩人分手內幕外，最想就係知道雲妮莎早前所講嘅高比仔與105人有染，究竟嗰105個女人姓甚名誰。不過，有指高比仔收到風後，或向法院申請「封口令」，禁止雲妮莎亂講嘢。
另方面，馬刺已經決定高掛「防守專家」保雲嘅2號球衣，儀式預計在3月21日馬刺主場對木狼進行。保雲曾替馬刺奪得3次總冠軍，NBA生涯曾8次入選防守陣容。