【本報綜合報道】NBA總裁史端重視中國市場已屬公開秘密，今年又出新招冧內地同胞！為慶祝中國農曆新年，NBA與中國電視台合作，從1月21至28日期間增加直播場次，此外還在球隊主場館內舉辦賀年活動，讓球迷體驗中國嘅農曆新年，而球員則會穿上特別為農曆新年而設嘅球衣出戰。
NBA早已明白中國市場嘅重要性，因此在農曆新年期間，特別增加直播賽事為中國球迷提供新年節目。在1月21至28日（即年廿八至初六）這8日期間，在不同平台中提供多達21場NBA直播，其中湖人、熱火及塞爾特人等勁旅輪住亮相，當然唔少得中國球迷最關注，擁有易建聯坐鎮嘅小牛賽事。
至於巫師及勇士將分別於23及28日，在場館內舉行賀年活動，屆時球員仲會穿上有中國農曆新年特色嘅球衣出戰添！