李志豪獲封「猛虎雷獸」

李志豪喺PK大戰嘅射門雖被省隊國腳門將楊智擋出，但搞到楊智右肩受傷，有「巴打」認為李志豪呢腳射門，可媲美漫畫人物「小志強」嘅「猛虎雷獸」射球，港足捧盃，李志豪都係大功臣嚟架。

球證犯錯造就港隊

講開楊智受傷單嘢，當時內地球證唔准省隊換入後備門將李偉軍，要由場內嘅球員王偉龍客串把關，賽後有內地報章報道係球證犯錯，因為省隊未用盡換人名額，互射12碼期間如果門將受傷，係可以換龍喎！港隊因為主隊球證犯錯而捧盃，真係點好意思呀！

另外，新任外籍教頭梅歷將於1月6日來港，到時會公布一系列計劃同目標。

至於香港隊下一場賽事，暫定係2月29日國際賽事日，喺旺角場主場迎戰中華台北，據講呢場會係收費賽事，港足粉絲敬請留意。