親去夜總會睇辦
裸女籃球並非新鮮事，美國里克脫衣舞夜總會早有這個念頭，並計劃喺去年尾成立聯盟搶NBA客，但隨着停擺結束，計劃亦胎死腹中。不過，據美國《紐約郵報》報道，洛文認為裸女籃球有得做，前晚更親自去亨廷頓夜總會「睇辦」。洛文話：「斷估唔會有男人唔鍾意睇靚女打波啩！我會親自點兵，只要識將個波掟入個籃框就得，到時佢哋會着短Tee、熱褲落場，但開波後就可能會Topless。」
洛文唔使憂柴憂米就可以繼續胡天胡帝，但另一前NBA球星芬尼就要為搵食營營役役，據報，現年39歲嘅芬尼本周將飛往達拉斯向其前小牛老闆古班「抓撈」。