年少多好，頑劣多好。上季西岸常規賽前三馬刺、湖人及小牛，今季均要面對奪冠最大課題：老化。馬刺選擇在十字街口逃避，扮失憶忘記自己老態；湖人選擇積極面對，奈何換班大計處處碰壁；小牛則留守過去想法，搵埋卡特、奧當愈整愈老，三軍睇怕難有好下場。
如果命運能選擇，可能35歲的鄧肯都期望像高比拜仁一樣，「呱呱嘈」要求球隊為佢添加潛質拍檔，讓佢在生涯晚期再次登上頒獎台。可惜鄧肯一向逆來順受，馬刺上季在季後賽遭逢浩劫，成為「黑八傳奇」主角，但高層卻未有因此而積極擴軍，仍舊眷戀二○○○年代的成功，繼續依賴「冇火三巨頭」鄧肯、真路比利及柏加，原地踏步想重溫奪冠美夢? 幾乎沒可能吧。
高比拜仁是不甘安於封建制度的人，縱然已經33歲，征戰NBA長達15季，但「小飛俠」仍要得到名利肯定，催促球隊換班變強。可惜季初羅致基斯保羅失敗，而多年目標杜域侯活亦未有聲氣，最弊係昔日功臣加素、奧當因為慘被拿來作交易籌碼而大感受辱，後者已轉投小牛離隊洩憤，受傷加素亦難再以赤子之心去為湖人賣命，高比仔孤掌難鳴。
小牛班主古班則是不願妥協的人，未有留住求大幅加薪的兩名功臣贊特拿及巴利亞，但要知道這兩人是上季球隊最年輕的主力，可想而知小牛今季活力大減。古班愛「集郵」，今季兩項矚目收購都係昔日名將奧當及卡特，亦因如此，小牛今季的正選陣容再加第六及第七人，好可能會係傑特、卡特、馬利安、魯域斯基、希活、奧當及泰利，「七子」有何共通點? 就係統統都屬「七十後」老兵。