當然，網壇靚女係有靠「實力」飛黃騰達嘅例子，好似「丹麥甜心」禾絲妮雅琪，就憑穩定表現成為世界「一姐」，名成利就。
「禾琪」打波叻，揀男友亦叻，佢今年公開同高爾夫球明星麥艾萊嘅戀情，大家對呢對金童玉女都好受落。22歲嘅麥艾萊來自北愛，雖然唔算好靚仔，但年輕有為，係近百年最後生嘅美國公開賽得主，依家排世界第二。
呢對「高網情侶」形象正面，往後肯定更加「豬籠入水」！