女子網壇向來不乏靚女，但未必個個好似舒拉寶娃及禾絲妮雅琪等做到一線球星，呢班半紅不黑姐仔想踏「星光大道」，最佳捷徑可能就係「脫」。
年初世界排名980位嘅祖雲奴域（Karolina Jovanovic），就夠膽全裸上陣當塞爾維亞版《Playboy》封面女郎，威過一陣。23歲嘅祖雲奴域只係贏過兩項ITF冠軍，世界排名最高亦只有404位，佢受訪時就無奈表示，寬衣解帶只係「為世所逼」：「受到嚴重膝傷後，經濟陷入困境，而且養傷期間又失去贊助商，我只望呢輯照片幫我吸引到新嘅贊助繼續打波。」