真情剖白 寸嘴之謎

網上都有唔少關於Rainbow嘅最新消息或者資料，當中有好有壞有彈有讚。而當你有機會親身接觸過佢，傾過偈之後，或者你會對Rainbow有新嘅體會，小妮子並唔係想像中咁簡單，其實佢好清楚自己嘅路向，亦對將來所發生一切作好打算及準備。縱然模特兒路途難行，但總冇理由半途放棄：「順風順水，人生有乜好玩！」對佢有偏見嘅人梗話佢寸嘴，其實佢有膽識至真。「又驚紅唔起，又驚畀人笑，咁你做隻龜啦！」Rainbow好嘢，抵你做大師姐！