周健宏追逐職籃夢

唔想衰畀人睇

南韓職籃水平處於亞洲區一流水平，已在港打拚多年躋身一線球星之列的「肥宏」，希望到南韓「浸鹹水」，令技術更上一層樓。雖然擁有1/2南韓血統，但毅然「棄港赴韓」，他亦知道是一個很大的挑戰。要轉韓籍、4年大學課程前先要修1年韓文班，目前他的韓文水平是：「講有5成、聽就7成、但完全唔識寫。」

除語言外，好多方面都要重新開始：「其實香港和南韓最大分別是他們有職業聯賽，也有大學聯賽，比較像NBA。明知大學在聯賽中屬中上游分子。現在我過去，先希望爭到隊中一席位，有好表現，將來可在選秀系統中獲垂青，最大心願是打入當地職業聯賽KBL，成為職業球員。」21歲的「肥宏」最大本錢是青春、熱血和不怕辛苦的精神：「我過到去預咗要捱，第1年會積極操練，希望第2年可以爭到位啦！我唔怕辛苦，阿庭（前南華球星羅意庭）在中國打CBA都好辛苦好悶，但我相信自己做得到，亦唔想衰畀人睇！」

放大圖片	去到嗰邊要捱即食麵。	韓文半桶水，要惡補。

最不捨得爸爸

在南華司職大前鋒的「肥宏」，在南韓要配合當地「全面性」的要求，可能要練埋小前鋒和得分後衞，對此他不介意。對於要離開香港這個成長地，但他為追夢也只好硬着頭皮：「長時間離港當然唔捨得，最唔捨得在港工作的爸爸（本身是南韓人的媽媽已返國，妹妹則在外地讀書），以後冇人陪佢。其實由細食到大的韓國菜我都不喜歡，而且我知道南韓人自身歸屬感很強，要打入他們的圈子一點不易。」

「肥宏」表示希望在大學修讀體育有關課程，這幾年就先為夢想「闖一闖」，唔得就再讀書，畢竟，「試過而後悔，好過冇做過而後悔」。

周健宏（肥宏）Profile

年齡：21歲

身高/體重：1米94/95公斤

位置：大前鋒

喜歡顏色：粉紅色

喜歡菜式：法國菜、意大利菜

喜歡南韓組合：Big Bang

威水史：08/09全港學界精英賽MVP、09東亞運、10亞運港隊代表

未來目標：為南華重奪聯賽總冠軍

圖／文：Vien、Kin