球迷冇去旺角場兩年咁耐，可能好多人唔記得點去，球場就快重開，一於提提大家要搭咩車。
旺角場位於旺角花墟道37號，搭港鐵可在太子站A、B1、B2出口，行去花墟道就到，如果喺旺角東站落車，就喺D出口行去帝京酒店旁邊嘅扶手電梯，再穿過太子道西行去花墟道。球場附近嘅彌敦道、太子道西、界限街及基堤道亦有大量巴士及小巴站。
揸車去睇波嘅球迷要留意，公眾停車場入口改咗去界限街，而且泊車位不足二十個，花墟道入口只供緊急車輛同球場職員使用，千祈咪摸錯。