「Iris你好熟口臉喎，好似喺邊度見過？」咪以為呢段係識女仔對白，查實Iris參加過08年香港小姐選舉。大家一早喺公仔箱見過佢架啦，梗係面熟啦！
Iris本身係鋼琴老師，但大家咪畀佢文靜嘅職業呃倒，以為佢成日都坐喺屋企彈琴，其實佢係一個動靜皆宜嘅女仔，佢話因自細受爸爸影響，對足球運動情有獨鍾，睇波更成為佢主要娛樂。原來Iris對足球結下不解之緣，唔怪得文鬥武鬥都考佢唔倒啦！