亞洲女子籃球錦標賽於日本大村市進行得如火如荼，今日進行最後一輪分組賽，東道主日本對中國，由於兩隊已穩奪四強資格，故大有可能留力，畀多啲時間後備上陣，得分應唔會多。
今屆亞洲女子籃球錦標賽，中國、日本、南韓及中華台北四支實力高一班嘅球隊已提早出線，周六會進行準決賽，由於今場分組賽無關痛癢，各隊未必想暴露自己嘅實力，估計呢場例行公事隨時悶戰一場。