「南精大戰」再現 逼爆修頓

宿敵激戰各二平手

精工雖已散班多年，但仍受老球迷擁戴，代表人物「大頭仔」胡國雄昨步入修頓球場期間，立即成為全場焦點，掌聲不絕，可惜「大頭仔」並未有落場獻技。南華同精工為多年宿敵，昨雙方元老球員對決亦鬥得燦爛，精工憑陳發枝及陳百祥各建一功，一度領先兩球，之後南華由彭錦全梅開二度扳平，賽後雙方共同捧盃，皆大歡喜。

陳鴻平期待「復出」

除南精名宿，早前因心臟病一度昏迷嘅陳鴻平昨亦有現身，獲全場球迷鼓掌支持，「平哥」表示做過「通波仔」手術後現身體情況正常，甚至可以落場踢波，但為免家人擔心，故即使技癢亦要忍一忍，等待11月再進行另一次「通波仔」，完全康復後便會「復出」。

胡國雄（右）風采依然，但並冇落場踢番兩腳。	精工元老入球功臣陳發枝（左）表現落力冇欺場。	平哥（左）現身修頓，佢康復進展理想，精神唔錯。