今日足球賽事唔多，帶大家去台灣睇吓籃球。早前中華台北奪得瓊斯盃女子冠軍，依家打緊嘅係男子分組賽，今次賽事嘅頂頭熱門係亞洲傳統勁旅南韓，佢哋強陣出擊為亞錦賽備戰，分組賽頭四場贏晒，今日對約旦相信可再下一城！
今次參賽球隊共八隊，頭四名進身四強，冠軍大熱係由名將許載領軍嘅南韓，陣中包括身高2米22嘅超級中鋒河升鎮，同埋美韓混血兒文泰鐘，文泰鐘雖然已三十五歲，但依然弗到漏油，係南韓嘅得分主力，佢前日對日本休息，相信今仗對約旦會再度擔大旗！