o靚仔look入女廁被趕

多年來葉姵延「飛身救波」成為其招牌動作外，「男仔頭」形象同樣亦深入民心。「黑妹」指多年來出街曾因「男仔頭」形象帶來尷尬，除被誤稱「o靚仔」外，亦曾於女廁又被誤為入錯廁所。

「平時去餐廳食飯，啲阿姐成日都叫我做o靚仔，出外比賽過海關，成日都是男職員走上前搜我身，每次都要講清楚我係女仔先避免尷尬事。」「黑妹」不介意外人誤會，卻討厭「男仔頭」形象帶來的麻煩：「最麻煩係出街去廁所，經常入女廁都有人用奇異眼光眼望望咁，有時啲阿姐仲會話：『細佬，入錯廁所呀！』，都幾瘀！」

尷尬事情不絕，但依然我行我素，爽快的「黑妹」直言自己穿衣只為舒適：「我其實着衫只喜歡自然、舒服，簡單就足夠。」事實上，衣着能反映一個人的性情，不拘小節的「黑妹」，還是覺得做回那個真性情的自己最重要。