葉姵延黑妹變lady

圖/文：李芷韻、徐飛　鳴謝： kbuddies & Bridal Corner

黑妹愛上扮靚，其實都要多謝國際羽聯，事關早前頒下比賽「着裙令」，要女運動員着裙比賽，當時令黑妹相當「頭痕」，由抗拒到被迫接受，雖然現在制度取消，但期間「黑妹」對化妝及Styling已產生興趣。

羽聯「着裙令」成變身轉捩點

葉姵延自03年加入港隊至今，一直以短髮形象示人，本為配合着裙形象，打算留長髮兼轉look：「當時制度一定要女仔穿裙比賽，如果我仲咁男仔頭的話，着裙會好怪，所以先打算留長頭髮，順便箍埋牙。」 不過頭髮未長，「着裙令」已於一片反對聲中被廢除，但23歲的「黑妹」坦言順便改變形象，故早前跟隨星級化妝師Meegan，到觀塘一間樓上時裝店借機學習。

葉姵延當日獲Meegan由頭到尾替她作貼身打扮，從修眉、畫眼線、貼假眼睫毛、塗粉底唇膏，以至於店舖選裙襯衫等，Meegan都給予專業意見，經過約1小時的「大變身」，「黑妹」搖身一變成為令人眼前一亮的少女！

貼假眼睫毛「醫好」大細眼

「嘩！好靚呀！」沒帶半點浮誇，記者在場眼見葉姵延變身後Sharp醒之餘，只能以「嘩嘩」聲形容，有些角度更看似歌星鄭秀文。惟多年來以運動員身份出入的她，穿起高跟鞋走起路上來仍難免有點粗魯及不自在，但她在鏡前「照來照去」對新造型表示大感滿意：「好ok！我真係未試過化妝化到咁『行』，之前同朋友試過化一次妝，今次靚好多，但無試過貼假眼睫毛，最重要係我由大細眼變了雙眼皮，同埋最滿意個髮型。」其後Meegan亦為「黑妹」選了一套以長褲加長靴的造型，「黑妹」立即變身一貫的「型女look」，走幾步路後自詡說：「終於做番自己！」

「女人三分姿色，七分打扮」是葉媽媽經常鼓勵囡囡買衫的說話，「黑妹」笑稱：「以前阿媽成日笑住話：『人哋阿媽就叫個囡唔好買咁多衫，我就要逼個囡買衫』，因為我唔鍾意行街，一年可能只得新年先會專登買新衫，但今次先知原來自己着呢啲衫都ok。」嘗試是踏入新階段的開始，為了「keep住靚」，相信「黑妹」從今起必定大舉入貨，告別波衫波鞋的「男仔頭」日子，做個「靚得起」的lady！