今年銀牌、常規賽及季後賽三料冠軍永倫，召回過去多次効力嘅「黑白組合」中鋒湯馬士及得分後衞波維爾，兩人與一班華將夾慣夾熟，而且球隊奪得季後賽總冠軍後繼續勤操，球員士氣佳、狀態好、合作純熟，出戰超聯有睇頭！
九月將滿廿八歲嘅湯馬士為美國D-League球員，來港前仍有上陣，他表示：「我與永倫華將們合作無間，互相信任，這是我們最大爭勝本錢。」廿九歲嘅波維爾曾効力哥倫比亞大學隊，職業生涯到過巴西、保加利亞、瑞士等國家比賽，今次回港前則在馬其頓比賽。
永倫領隊林植昌表示，由於賽程緊密，超聯對永倫球員體能是一大挑戰。