中文認字大挑戰
Q1自己譯名 答中
第1題係要佢由「盧比度」同「羅拔圖」之中找出自己個名，他Easy地一揀就中。但大家又知唔知「盧比度」其實呢個並非官方最先採用嘅名。去年季初記招上傑志新聞稿將佢譯作「羅拔圖」，但因同晨曦嘅巴西兵「撞名」，幾經考慮後，最終至改用「盧比度」，呢件事可能連Chino自己都唔知。
Q2球會名 答中
第2題要佢從「傑志」及「南華」之間找出自己効力球隊嘅名。由於佢手臂上紋咗傑志會徽，預料佢好快會揀中，但結果佢諗咗幾秒至認得出「傑」字中間的「木」字。之後佢更反問小記「南華」是否South China？認真醒目！
Q3武打明星 答錯
Chino連中兩題後十分得戚，但第3題終於被小記陰到正！今次係要佢喺「李小龍」同「成龍」中分辨出Bruce Lee及Jacky Chan，天真的他竟以為Jacky Chan有3個發音，就等於「李、小、龍」，結果當然錯晒！
Q4揀自己祖家 答中
跟住要從「西班牙」同「香港」之間找出自己祖家，他竟然一揀便揀中了，他解釋：「『西班牙』的字較長，與原文比較接近，反而香港只有2個字。」好，算你醒。
Q5分辨東方與太陽 答錯
最後一題要分辨《東方日報》同《太陽報》。雖然Chino最後還是分不清《東方》及《太陽》的中文字，但他卻好識賣口乖，話已記實呢兩報名稱嘅「形狀」，日後唔會買錯喎！
