盧比度嘅花名叫Chino，在西班牙文即解中國人。Chino話：「細細個時朋友話我對眼生得似中國人，所以就有呢個花名，但我好鍾意呢個花名。」Chino現時已學識講一啲簡單廣東話，例如拜拜、多謝、你好及珍珠奶茶等，最近又學識用翻譯軟件，用中文去回覆facebook留言，「之前我只係喺電影度知道一啲關於香港嘅嘢，雖然呢度一街都係人，天氣又熱，但我好鍾意呢度熱鬧嘅生活；反而西班牙一到下午啲人就要瞓晏覺，舖頭又閂晒門，成條街好冷清，好悶。」
較早前Chino曾經話過要喺香港落地生根，仲話非常熱愛中國文化，於是小記喺訪問時就嚟個突擊測驗，考吓佢對中文字嘅認識。結果5條題目之中佢答中咗3題，似乎留港生活唔係「大隻講」。