今屆世少盃決賽將在香港時間周一早上舉行，主辦國墨西哥迎戰烏拉圭。兩軍分別擊敗兩大熱門德國及巴西殺入決賽，墨西哥坐擁主場之利，加上獲莊家睇好，確實可以看高一線。
墨軍上場以三比二反勝德國，顯示出凌厲後勁，而事實上墨西哥今屆已多次在最後十五分鐘內入波奠勝，反映出小將們韌力十足，擁主場之利係唔同啲。再者墨西哥係今屆唯一一支全勝球隊，所以莊家亦睇好佢哋可以捧走今屆冠軍，奪冠賠率熱至1.5至1.6倍之間，值得參考。