寓工作於娛樂 代言「潛水小姐」

本身已經係運動健將嘅Hidy，幾年來受到任職潛水教練嘅男友影響而愛上潛水（圖），依家一有時間就會相約出海睇一睇水底世界。已考獲潛水牌嘅佢，最近仲被委任做「潛水小姐選舉」嘅代言人，可以名正言順開工「潛水」！講到喺香港潛水，Hidy就推介海下同埋黃石碼頭，因為近年嘅保育工作做得唔錯，水底嘅珊瑚仲Keep得好靚架！

登大銀幕做特工

近日Hidy除咗忙新戲同埋推出寫真宣傳之外，仲忙緊接拍一套日劇，劇中Hidy飾演女特工，依家佢學緊嘅「電影武術」又可大派用場。