F1（一級方程式）車手「黑帝」咸美頓，近期同効力嘅麥拿侖車隊關係轉差。除咗隊內爆出「黑人種族言論」令「黑帝」不快，佢今季亦經常同隊友畢頓互碰而退出比賽，故盛傳「黑帝」玩埋今季就會離隊。而外國博彩公司開出有關咸美頓下季去留盤口，其中最有機會轉投嘅係紅牛，暫時為6.5倍，至於轉投平治就係11倍。其實咸美頓早前曾經公開表示，好希望効力一支具奪冠實力車隊，擺明向紅牛車隊「拋媚眼」，睇嚟咸美頓來季同維度爾合作嘅可能性都幾高。