出道九年，一直被指「私生活不檢點」和「無紀律」的梁子駿，其實已經四、五年冇蒲過，並準備明年與女友結婚，今季過檔晨曦，「子駿」揚言：「我會用行動證明一切！」
「子駿」初踢甲組時真的很爛玩，他對此直認不諱：「冇錯，我初出道時係好貪玩，但已經係差唔多十年前嘅事！當時我有局必到，不過自從落山後已經冇喇。」
梁子駿踢過南華、流浪、東方、淦源及飛馬，他強調在五年前已「改過自新」，一切全因「愛的力量」：「自從同『阿婷』拍拖，我生性咗好多。佢事事都支持我，對我好好。」
年屆26歲的「子駿」早前與一班友好赴菲律賓旅行，探望在彼邦工作的「南華師兄」李思明，得到思明太太阿Mon及前淦源隊友梁智駒兩名軍師助拳，當眾向女友張綺婷成功求婚。「其實我哋拍拖多年，都計劃咗出年結婚，不過我想佢可以有一啲難忘嘅回憶，咪花啲心思囉！講真呀，佢答應嫁畀我一刻，我自己都好感動。」
「我哋會喺出年6月12日結婚，到時希望除咗結婚戒指外，仲可以送埋最少一面為晨曦贏嘅冠軍獎牌畀佢！」
「子駿」坦言現在充滿動力，更希望報答教練列卡度知遇之恩：「我同佢喺飛馬合作咗一季，佢用人以態行先，話之你係老細個仔都唔會徇私，係好值得球員尊重嘅教練，佢唔理出便對我嘅傳言都肯向會方要求簽我，我一定唔會令佢失望。」