換拍檔力爭奧運入場券

美和08年度過黑暗期,首先未能取得奧運入場券,雖然以報道員身份參與賽事,但始終唔及自己親身作賽。同年美和的妹妹遇上嚴重車禍過身,美和受訪時回應:「我嘅家事唔使大家操心,大家都係關注我嘅比賽啦!」

08年喪妹曾萌退意

她希望用比賽分散各界注意力,殊不知被封為「冷血」,一度令呢位索女陷入崩潰邊緣,萌生退出球壇念頭。不過,美和最終堅強撐住,仲表示:「我依家冇嘢喇,以後我要為妹妹同自己而戰,打好每一場賽事。」

淺尾美和一直希望於沙排場上爭取佳績,曾向傳媒透露心願:「我希望參加2012年奧運,夢想係奪取金牌!」不過,美和今年又換拍檔,六月中夥拍松山紘子於首爾作賽,結果只得17名,以現時成績及水平,奧運夢似乎愈來愈遠。