世少盃周二凌晨繼續上演八強戰，德國同英格蘭將爭奪四強席位，德國可以話係英格蘭剋星，由09年U21歐國盃決賽，到去年南非世界盃，「三獅兵團」都係畀「日耳曼兵團」剋住，睇怕今場世少盃德國都可闖關成功！
德國同英格蘭喺四年前嘅世少盃曾經碰頭，當時德國喺八強戰以4:1大勝英格蘭，可惜準決賽不敵尼日利亞，最終得到季軍，今屆再次碰頭，德國仍被睇高一線。
德國分組賽3戰3勝，射入11球僅失1球，十六強亦大勝美國4:0，晉級過程四場都贏對手兩球或以上，反觀英格蘭表現麻麻，上場都係靠十二碼先贏阿根廷，相信唔係德軍對手。