黃蘊瑤自認購物狂崇尚Mix&Match

Jamie長期在外訓練及比賽，獨沽一味的運動Look，所以只要有機會，她都會天天新款平衡一下自己的「扮靚欲望」，西裝褸、小背心、短褲、短裙、高跟鞋都是至愛服飾：「我買衫不會專揀名牌，平價貨有平價貨好處，重點是配搭得宜，Mix & Match才是最重要，『襯吓襯吓』超有樂趣！」Jamie談到Fashion就愈講愈興奮：「相對下我鍾意着短裙，（可以Show吓美腿？）唔可以講係美腿嘅，我覺得自己雙腿算線條好，哈！哈！」

呢期最Like撞色衫

Jamie鮮有參考潮流雜誌，扮靚有自己一套心得：「近排我最Like着撞色衫，點解？緊貼潮流囉，你唔覺得好睇咩？」在一眾名人、潮人之中，Jamie欣賞徐濠縈及吳雨霏的打扮：「我覺得佢哋着衫幾型，但我會喜歡「拆」開徐濠縈，有時會比較適合自己。」她細數I.T、Zara及莎莎是每次血拼的必掃目標，更笑稱自己如自由行一樣，回到香港總是不停「買、買、買！」

一年只有30次機會放縱自己的購物欲，其餘的335天，淘寶網是「血拼Jamie」的暫時止癢劑，衣服、番薯乾、越南咖啡，甚至窗簾布都唔放過。「平日訓練完回房後我們就無任何活動，所以會上淘寶網買嘢，不過始終唔係親手拎起一樣嘢嚟揀，難同真正Shopping相比，都係回港使港紙開心啲。」