傑斯弟婦Natasha又有料爆，佢話之所以同傑斯偷情八年，全因同老公洛祖嘅生活太悶。反觀呢段不倫之戀，令佢無時無刻都感到非常刺激，即使有罪疚感但仍然享受。不過Natasha現時開始感到擔憂，驚會被曼聯球迷襲擊。
Natasha唔介意將自己荒唐事公諸於世，自爆因為生活苦悶才走上不歸路：「平日生活都係煮飯、洗衫、燙衫，實在太悶，但同傑斯呢段特殊關係，為我帶來刺激。以前會因為小事同洛祖爭拗，但一諗起傑斯，心情即時好番晒，但冇諗過佢會離婚同我一齊。」Natasha仲話因紅杏出牆學識講大話，能夠承受任何罪疚。