許煒森嘅身形唔錯，只要喺套衫度執番少少就會有更好效果！首先，由於佢嘅膚色係健康古銅色，所以襯番啲鮮色衫會好睇好多，但我就唔係幾贊同佢着紫色，我會建議佢可以揀番橙色或桃紅色裙嚟凸顯佢本身嘅青春氣息。另外，我認為佢呢條紫色裙太長，顯得佢成熟咗啲，如果短番四、五吋就會好睇好多！飾物方面，由於佢都仲係一個中學生，太多飾物反而有啲唔啱Feel，試吓簡單啲會有更簡潔效果。
其實Grad din臨近，都有唔少人問我應該點着先會好睇，我就認為一般嘅女仔可以揀啲Low Cut，深色，好似黑色、深灰或寶藍嘅裙就係最保險嘅着法。