談及出席Grad din令不少着慣皮鞋返學的女生大吐苦水的高踭鞋，Vincci卻表示無難度：「仲記得中五Grad din嗰晚，大家靚完之後即刻喺會場門口除晒啲高踭鞋，話着住對鞋好似不停向前舂咁，又話勁辛苦同夾腳。不過，我可能慣咗跑山路，『向前舂』都唔會失平衡，加上不時跑到隻腳起水泡都要繼續跑，所以着高踭鞋嗰少少痛楚，對我而言根本微不足道。」