溫布頓網球賽今日展開，四大天王拿度、費達拿、祖高域及梅萊理所當然被捧為男單四大熱門，四人早前於法國網球公開賽均能順利打入準決賽，有英國博彩公司開出四人包辦溫網四強席位賠率僅為2.375倍，足證大家對佢哋充滿信心。
拿度去年一口氣連奪法網、溫網及美網三項大滿貫，今屆自然希望歷史重演，依家佢已經過咗第一關，乘着強勢轉戰溫布頓，順理成章被捧為3倍頂頭大熱門。瑞士費達拿、塞爾維亞祖高域分以3.25倍及4.5倍成為次熱及第三熱門。東道主球手梅萊雖被列為7倍第四熱門，但佢一向冇乜大賽命，博彩公司為佢開出首圈被淘汰賠率為17倍，似乎唔多睇好佢可以打破宿命。