世少盃分組賽已經展開，賽事於墨西哥舉行，C組英格蘭會面對盧旺達，英軍擁有愛華頓小將荷比，呢位射手代表國家隊十二次入十球，屬隊中王牌前鋒，今次繼續成為隊中進攻主力。另隊長查路巴亞廿八次上陣球隊只輸三場，係隊中精神領袖，同樣舉足輕重。
英格蘭分組賽被編入C組，同組對手包括盧旺達、加拿大及烏拉圭，已被視為出線熱門，不過，盧旺達屬不明物體，英軍首戰肯定唔會掉以輕心，大軍級數始終較高，應可旗開得勝。