魯域斯基古班淚賀小牛巡遊

新科總冠軍小牛在達拉斯時間周四完成勝利巡遊，25萬名球迷在烈日當空下依然湧上街頭慶祝。班主古班及總決賽MVP魯域斯基，在終點站美國航空中心受訪時談及終圓多年冠軍夢想，均不禁流下男兒淚。

小牛眾將均穿上「Raise The Banner」（揮舞你的標語）嘅Tee，參與巡遊，與球迷同樂。今次巡遊共動用3架花車、10部開篷車及12部卡車，從市政大廈巡遊到美國航空中心，其後與一萬名持有季票嘅球迷在主場館內會面，費用全由班主古班支付。

球員入場後先後接受主持人訪問，與球迷分享奪冠經歷，其中領袖魯域斯基一提起苦等13年才圓冠軍夢，即不禁流下男兒淚。至於古班亦一反「寸嘴」常態，受訪時一直哽咽，只係講咗句：「旅程的確很漫長！」然後就不停地抹眼淚。球迷此刻亦深受感動，齊聲向古班說出多謝。

雖然熱火不敵小牛緣盡今季錦標，但「閃電俠」韋迪卻獲得一個安慰獎，全美父權行動協會將2011年最佳父親獎頒畀韋迪，表揚佢對兒子嘅關愛、責任及承諾。此外，韋迪全球基金亦幫助咗唔少貧窮兒童。