短小精悍最叻玩火 小牛奇兵巴利亞

環姐女友場場撐

身材矮細嘅巴利亞，一直被視為傑特嘅後備，常規賽上陣81場，僅2次係正選，但打咗三場總決賽後，小牛教練卡素爾發現熱火最驚嘅球員就係佢！因為巴利亞短小精悍，速度奇快，熱火嘅一號位球員，無論係碧比或查馬斯根本睇唔住佢，所以守佢嘅時間寧願保持距離，結果今場畀巴利亞射入4個三分波，取得17分。

講到波多黎各，最出名嘅除咗巴利亞，當然仲有靚女啦，原來巴利亞嘅女友係06年波多黎各及環球小姐，依家就係電視劇明星。巴利亞話佢女友依家係NBA粉絲，場場總決賽都追住嚟睇：「佢成日嚟捧我場，希望贏咗總冠軍後，可以同佢好好歎番吓！」