07年選秀落第另搵出路
已經年屆26歲，同「大帝」勒邦占士同齡嘅尼爾，之所以要到今季才登陸NBA，全因佢在07年參與選秀會時乏人問津落第，迫於無奈另覓出路。幸好尼爾並未有因此放棄籃球，佢07年決定轉戰歐洲吸取經驗，先後打過土耳其、意大利及西班牙聯賽，並學習到歐洲球員投籃嘅穩定性，成為一名高效射手。
尼爾好快就在歐洲打響名堂，結果吸引到向來愛在歐洲發掘球員嘅馬刺垂青，為佢開出一紙3年合約，令尼爾一圓NBA夢。其實唔少美籍球員，近年都願意到歐洲聯賽比賽，吸取足夠經驗後才參戰NBA，其中公鹿控衞真寧斯就係佼佼者。當然，歐洲球會近年亦肯支付高薪吸引美籍球員，成為佢哋另一條出路。