公牛另一贏波功臣要數名不見經傳嘅波簡斯，今季意外地坐穩公牛正選位置嘅波簡斯，今場射入了5個三分球，不禁令人想起兩代公牛王朝的著名綠葉，同樣擅射三分的柏臣及卡爾。而公牛全場就射入咗14個三分球，創下了球會季後賽史上新高。
在魔術出身嘅波簡斯出名係「人球」，征戰NBA八季內多次轉會，但今季改投公牛後，卻意外地被泰保杜教練賞識，82場常規賽都以正選出場。
雖然波簡斯已經成為公牛重要棋子，領袖戴歷羅斯嘅好拍檔，之但係人工就唔成正比，波簡斯年薪僅得160萬美元（約1,240萬港元），相比起全隊最高薪，坐擁1,440萬美元（約1億1,200萬港元）年薪嘅布沙，足足相差9倍，可見呢塊綠葉認真抵用。