灰熊擊敗馬刺之後，只要在餘下賽事贏多一仗，就能夠創出「老八傳奇」！翻查歷史，合共有三支球隊曾經以八號種子身份淘汰分岸一哥，其中以紐約人在99年最為經典，因為淘汰熱火之後，仲殺埋入總決賽。
首支寫下「老八傳奇」嘅球隊係94年嘅金塊，當時以莫湯保為首嘅金塊，在最後一戰通過加時後擊敗西岸一哥西雅圖超音速（雷霆前身），贏3比2晉級。之後就到99年嘅紐約人，同樣以3比2淘汰熱火，可惜在領袖伊榮受傷缺陣下，總決賽不敵馬刺飲恨。
至於季後賽首圈改為7場4勝制後，首次「老八傳奇」係07年勇士，當時勇士以4比2爆大冷氣走小牛。