港會負大中99%降班

昨日的兩場聯賽都與護級形勢有關，屯門主場迎戰四海流浪一仗共吸引885名球迷入場，完半前屯門更憑外援比傑一次個人突破，扣過翟廷峰推入中路破網，為球隊射入全場唯一入球奠勝。下半場屯門錯失多次機會，四海流浪亦無法扳平，屯門保持一球勝局完場。

95人入座創本季新低

効力四海流浪的日本球員深澤仁博祖家遇上大地震之災，昨日強忍悲痛上陣，家住靜岡嘅深澤賽後說：「不幸中之大幸是家人和朋友都安全，我會待球季結束後才返國。我不知道可以做甚麼幫助國家，只有能力上可以的，我都願意做。」

至於晚上大中對港會嘅榜尾大戰，創下今季入座新低嘅95人入場。作客嘅港會先有占士比查及潘家明建功領先兩球，但曾至孝完半場前為大中追成1比2，換邊後唐建文梅開二度為大中反超前3比2，加上鄭璟昊埋齋，大中最終反勝4比2。

港會輸波後仍以兩分排榜末，要留級僅餘數字上的可能，降班幾成定局，賽後不少球員呆坐場邊，勇戰受傷嘅門將吳國熙更流下男兒淚，不過他將轉會傑志，來季可繼續在港甲亮相。