示範一桿入洞 梁文冲為香港兒童籌款

貴為「中國體育富豪榜」第三位嘅梁文冲，打波叻之餘，亦出晒名有善心，呢位卅三歲名將喺內地成立以自己名字命名嘅慈善基金，協助發展高球運動，當佢知道「香港保護兒童會」要搞籌款活動，就騰出空檔專程趕來助陣。

「冲哥」深受本地高球愛好者歡迎，吸引過百位社會賢達出席，整項活動又獲得國際珠寶商及金融機構贊助，今次籌得嘅款項將撥捐「香港保護兒童會」，透過廿七個單位為接近三千名嬰兒及幼兒及其家庭提供照顧及教育服務。