高比拜仁在今場尾段屢度失誤，最後兩分鐘先後被韋迪偷波及封阻，兩記關鍵投射又射失，難怪向來好勝嘅佢賽後都唔原諒自己，在熱火主場館「留堂」加操至場館熄燈為止。
根據當地記者表示，以前都曾經有球員因不滿自己表現而在賽後加操，不過在客場加操就非常罕見，一位在熱火主場館做了八年嘅職員都指出，從未見過有人加操。高比仔賽後除作投籃訓練之外，還有運球及罰球，因而吸引到多名記者留守球場觀看，而熱火教練史普斯達亦屬圍觀者之一。
高比仔加操，最慘應該都係球場職員，拾球童及場館所有職員都因此而加班，但高比仔就一於懶理別人感受，練到超過當地時間夜晚十二點都唔肯走，最終要場館話關閉先肯沖涼。